Drucken
  1. Twei Spreien wullen Hochtied hooln.

    Dor köm' dei Jung'n henn un dei Ooln.

    Fiderallala, fiderallala, fiderallalalala!

  2. Dei Draußel köm, dei Jann in'n Tünk,

    dei Leiwing, Baukfink un dei Lünk ...

  3. Dei Aönte köm' in'n langen Trupp.

    Dei Wääk, dei wackelde vörup ...

  4. Un dusend Spreien wörn tausaom'

    ganz van Itaolien röwerkom' ...

  5. Dei Hochtiedszug was wunnerbor.

    Stolt güng vörup dat junge Poor ...

  6. Twei Aopen, twei Aopen,

    dei stün' vör'e Dörn tau jaopen ...

  7. Dei Braögam sä tau siene Frau:

    „Dei kriegt woll sacht' dat Muul wer tau" ...

  8. Dei Truthaohn mennt: „Kiekt mi maol an,

    bin ick nich uck'n staotsken Mann?" ...

  9. Dei Brut sä: „Truthaohn schnuf di maol,

    di hang ja wat van'e Näsen daol" ...

  10. Dann gew't tau Äten un tau Drinken

    satt Purreworm mit Fleigenschinken ...

  11. Am meisten freet dat Gosewiew;

    ehr stünd dei Buuk van't Fräten stief ...

  12. Dei Ganter sä: „Mien' Gos is dull;

    ick häb denn Moors all werrer vull" ...

  13. Dei Kiwitt sööp, wat hei blos kunn.

    So billig wüd hei sonst nich duun ...

  14. Don sä dei Kiwitt: Is doch eigen,

    ick kann bol' nich mehr liekut fleigen" ...

  15. Dei Haohn, dei trampelt inne Küm'

    un schmeet dei ganzen Zoppen üm ...

  16. Dat Hauhn sä: "Ick mag't boll nich seng',

    ick mott nao Huus tau Eier leng'." ...

  17. Dei Hohn dei rööp: „Ick kenn ehr Mucken,

    mien Wiew dat will boll werrer klucken." ...

  18. Dei Kuckuckske, dei wull so gern

    dei Brut mit'n Kuckucksei anschmern ...

  19. Frau Kuckuck wüd ut' Hus rutschmäten

    Dat Menske ha up't Brutbett säten ...

  20. Dei Danz füng an. Twei Meesen,

    dei danzden up'e Schneesen ...

  21. Un up dei Schöddeln danzt dei Lünk,

    in'n Stutenkorf dei Jann in'n Tünk ...

  22. Wüd immer grötter dei Radau.

    Dei Braögam trück dei Kaomern tau ...

  23. Dei Nachtigaol, dei süng in' Greun':

    „Dei Leiwe is doch wunnerscheun." ...

  24. Dei Stork, dei staötert achtern Haogen:
    „Nu giw dat boll wer neie Blaogen." ...